| उदेश्यहरु
यस संस्था लिल फङ (घले समाज) को उद्देश्य देहायबमोजिम रहनेछ ।
क) यो संस्था मुनाफारहित, जनहितकारी सामाजिक संस्था हुने छ । ख) देशभित्र तथा संसारभरी स्थायी वा अस्थायी रुपमा बसोबास गर्ने लिल (घले)हरुको तथ्याङक संकलन गरी अभिलेख राख्ने । ग) लिल फंङको भाषा, संस्कृतिको विकास गरी यसको संरक्षण, सम्बद्र्धन गर्दै बढीभन्दा बढी व्यवहारमा प्रयौग गर्ने गराउने । घ) लिल फंङ हक, अधिकारको निम्न आफ्नो छुट्टै पहचानको कानूनी मान्यता दिलाउन आवश्यक कार्य गर्ने । ङ) लिल फंङको जातीयगत पहिचान सहितको आफ्नो संस्कार, संस्कृति, परम्परागत रितीरिवाज र मानयताहरुको संरक्षण, सम्बद्र्धन, गर्ने गराउने । च) लिलहरुको आर्थिक, सांस्कृतिक, धार्मिक, वौद्धिक, प्राविधिक, एवं कानून तथा न्यायिक विषयहरुको स्तर उकास्न बिभिन्न रुपमा प्रयास गर्न । छ) लिल जातिको भाषाको विकासको लागि बढीभन्दा बढी अध्ययन अध्यापनमा जोड दिने र आवश्यक पाठयपुस्तक लगायत सामाग्रीहरुको प्रकाशन गर्ने । ज) समग्र लिल जातिलाई जातीयगत एकताको सूत्रमा बाध्न सर्वमान्य सिद्धान्तहरुको अवलम्बन गर्दे समन्वयकारी भूमिका निर्वाह गर्ने । झ) लिल जातिको समुदायलाई समेटन प्रत्येक क्षेत्रमा आ-आफ्नै छुट्टाछुटै क्षेत्र, जिल्ला र गाउ समितिहरुको गठन गरी त्यसलाई स्वतन्त्र एवं पद्धतीगत ढंगले यस लिल फंङको मातहातमा रहने गरी संचालन गर्ने गराउने । ञ) यस जातिको समुदायलाई मानवअधिकार, संवैधानिक हक, कानूनी अधिकार र अन्तर्राष्ट्रिय सन्धि, महासन्धि, संयू्क्त राष्ट्रसंघको घोषणपत्रलगायतका विषयहरुमा आवश्यक जनचेतनामूलक कार्यक्रम सञ्चालन गर्न विभिन्न गोष्ठी, सेमिनार, अन्तरक्रिय र छलफल गर्ने । ट) नेपालका आदिवासी-जनजातिहरुको संघ-संस्था, व्यक्ति-व्यक्तित्वहरु र अन्य संघ-संस्थाहरुसंग पारस्परिक सदभाव कायम गर्ने । ठ) स्वदेशी तथा विदेश आदिवासी-जनजातिहरुको जातीय उत्थानमा क्रियाशील संघ-संस्थाहरुबीच संस्थागत सम्पर्कको विकास गरी सहयोगको आदान प्रदान गर्ने । ड) वातवरणीय प्रदुषण नियन्त्रणका लागि आवश्यक स्वथ्य एवं शिक्षामूलक कार्यक्रमहरु सचालन गर्ने । ढ) भूमि तथा प्रकृतिक स्रोत साधन माथिको हक अधिकारमा पहुच पुर्याउन सचेत एवं जागरुक बनाउने । ण) केन्द्रिय कार्यसमितिको मातहतमा रहने गरी आवशयकीय विभागहरु स्थापना गर्ने । त) लिल जातिको आधारभूमीको निर्क्योल गरी त्यस भित्ररहेका ऐतिहासिक, पुरातात्विक विषयहरुको अध्ययन अनुशान्धान एवं संरक्षण गर्ने । थ) लिल फंङको उत्थानका निम्ति विदेशमा समेत सम्पर्क कार्यलय खौल्ने । द) उर्जा तथा जैविक विविधताको संरक्षण हुने खालका कार्यक्रमहरु संचालन गर्ने । संस्थाको उद्देश्य प्राप्त गर्न गरिने कामहरु क) संस्थाले प्रचलित नेपाल कानूनबमोजिम सम्बन्धित निकायबाट अनुमति वा इजाजत प्राप्त गरी मात्र आफ्नो उद्देश्यहरु कार्यन्वयन गर्ने । ख) संस्थालाई आवश्यक पर्ने भवन निर्माण गर्ने वा भाडामा वा लिजमा लिनेछ र कम्प्युटर, टेलिफोन, टाइपराइटर, फ्याक्सजस्ता कार्यलय सामान तथा सवारी साधन खरिद गर्नेछ वा भाडामा लिई प्रयोग गर्ने । ग) संस्थालाई आवश्यक पर्ने कर्मचारी नियुक्त गर्ने तथा तिनको सेवा शर्तहरु निर्धारण गर्ने छ । घ) उद्देश्य प्राप्तिका लागि राष्ट्रिय अन्तर्राष्ट्रय सरकारी तथा गैरसरकारी संघ-संस्थासंग समन्वय गर्ने कार्यक्रम सञ्चालन, गर्ने र सरिक हुने । ङ) उद्देशय अनुरुपका विभिन्न सामग्रीहरु प्रकाशित गर्ने । च) विभिन्न आवशयक विभागहरु त्था विषय-विषयका समिति र उपसमितिहरु गठन गरी उद्देश्यबमोजिमको कार्य गरिनेछ । छ) संस्थाको उद्देश्य पूरा गर्न आवश्यक पर्ने अन्य सम्पूर्ण कार्य गर्ने । |
